• Ang Pito ka Katapusang Pulong ni Jesus

    Unang Pulong: Lucas 23: 34
    Latin- Pater, dimitte illis quia nesciunt, quid faciunt!
    English- Father, forgive them, for they know not what they are doing!
    Tagalog- Ama, patawarin mo po sila, dahil hindi nila nalalaman ang ginagawa nila!
    Bisaya- Amahan, pasayloa sila, kay wala nila hisayri ang ilang mga gipanag buhat!

    Ikaduhang Pulong: Lucas 23: 43
    Latin- Hodie mecum eris in paradiso.
    English- This day , thou shalt be with me in paradise.
    Tagalog- Sa araw na ito, kasama ka sa akin sa paraiso.
    Bisaya- Niining adlawa, kauban ka kanako sa paraiso.

    Ikatulong Pulong: Juan 19: 26-27
    Latin- Mullier, ecce filius tuus!
    English- Woman, behold thy son!
    Tagalog- Babae, masdan mo ang iyong anak!
    Bisaya- Babaye, sud-onga ang imong anak!

    Ikaupat nga Pulong: Mateo 24: 46
    Latin- Deus meus, deus meus, utquid dereliquisti me?
    English- My god, my god, why hast thou forsaken me?
    Tagalog- Dios ko, dios ko, bakit mo ako pinababayaan?
    Bisaya- Dios ko dios ko, nganong gibiyaan mo ako ?

    Ikalimang Pulong: Juan 19:28
    Latin- Sitio...
    English- I thirst...
    Tagalog- Nauuhaw ako...
    Bisaya- Gi-uhaw ako...

    Ikaunom nga Pulong: Juan 19:30
    Latin- Consummatum est!
    English- It is done!
    Tagalog- Naganap na!
    Bisaya- Natapos na!

    Ikapitong Pulong: Lucas 23:46
    Latin- In manus tuas, Domine, comendo spirituum meum!
    English- Father, unto thy hands, I commend my spirit!
    Tagalog- Ama, sa iyong mga kamay, inihahabilin ko ang aking kaluluwa!
    Bisaya- Amahan ko, sa imong mga kamot, itugyan ko ang akong espiritu!

    more
  • Dios
    Maoy dakong ipatuo sa mga Atiesta nga walay Dios sa katarungan nga dili kini makita-an, dili madunggan, ug dili mahikap. Apan dili absuloto kumo dili kini mamatikdan sa atong lima ka sentido wala kini maglungtad. Ang 'hunahuna' tataw kaayo nga dili makita, dili mahikap, ug dili madunggan, apan bisan unsaon pa nimo pagluka sa bisan asang bahin sa imong utok wala ka gayoy makit-ang huna-huna. Kung dunay lima ka sentido sa pagsinati sa kalibotan, atong hinumdoman nga aduna usab kitay sentido kumon. Kining sentido kumon maoy usa ka pinalahing hiyas nga mupalahi sa mananap ug sa tawo. Ang sentido kumon maoy kahimanan ngano ang tawo dili makaikyas sa katarungan nga dunay Dios.

    Kay dili malalis nga dunay Dios. Sanglit dunay mga nagtuo nga daghan ang dios (Monotheism), ug duna say mga nagtuo nga usa lamang ang Dios (Polytheism), karon atong pangitaon kung asa kanila ang tinuod ug naghupot sa hustong pangatarungan.

    Sa atong pagtuki kung pila kabuok Dios mas bug-at gayod ug dili masupak nga usa lamang ang Dios. Kung dunay sa lamang ka Dios, unsa may Iyang ngalan? May nag-ingon Jehovah, may nag-ingon Allah, may nag-ingon usab Yahweh. Asay tinuod kanila?

    Kung dunay usa lamang ka Dios ngano man nga sa laing bahin sa Kasulatan naghisgot man ug kapin sa usa nga Dios pananglit sa (Genesis 1:26, Genesis 3:22, Genesis 11:7, 1 John 5:7-8) Sumpaki ba ang Biblia? Mao kini ang tubagon niining temaha Santisima Trinidad.

    Sukad pagkahimugso sa Santa Iglesia Katolika ang Simbahan walay puas nga giataki sa mga sayop nga mga panudlo ug mga erehiya. Ang pinakaunang tawo nga miingon nga tawo lamang si Jesus mao si Arius. misundog si Muhammad nga gisundog usab ni Josepf Smith, ug gisundog usab ni Felix Manalo. Apan gihuptan gayod sa Simbahan ang kamatuoran sa kamatuoran nga gipadayag ni Jesus ngadto sa Iyang mga Apostoles nga gipasa usab kanato.

    more
  • Dios: Ang Ngalan sa Dios Atong napamatud-an nga
    naay Dios
    usa lamang ang Dios

    Karon ang sunod nga pangutana,
    unsa may Iyang ngalan ?

    • Allah
    • Jehovah
    • Yahweh

    Samtang ang ubang nasud nagsimba ug mga diosdios o daghang mga dios, ang Abrahamic nga relihiyon sa usa ka bahin sa kalibutan nagsimba lamang ug usa ka Dios. Kahinumduman nga agda sa maayong pangatarungan atong nasuta nga dunay Dios. Nga unsang matanga sa pagka-dios dili masulod sa salabutan kung muingon kita nga duha o daghan ang dios. Nga di malalis nga usa lamang ang Dios. Kon ang hustong pangatarungan ug ang Abrahamic nga relihiyon nagkauyon sa pag-ila kon unsa ang Dios, nan, makatarunganon kaayo nga ari kita sa Abrahamic nga relihiyon mangutana mahitungod kon unsa ang Iyang ngalan.

    YHWH
    Si Moises nga nakigsulti sa Dios nga Amahan siya miingon, …13“Kon adtuon ko ang mga Israelita ug ingnan sila, ‘Ang Dios sa inyong mga katigulangan nagpadala kanako nganhi kaninyo,’ ug mangutana sila kanako, ‘Unsa may Iyang ngalan?’ Unsa may akong itubag kanila?” 14Ang Dios miingon kang Moises, “Ako mao Ako. Ingna ang mga Israelita: ‘Siya nga nagpaila sa Iyang kaugalingong nga Ako Mao maoy nagpadala kanako nganhi kaninyo.’” 15Unya miingon usab ang Dios, “kini ang isulti sa mga Israelita, ‘Si Yahweh, ang Dios sa inyong mga katigulangan, ang Dios ni Abraham, ni Isaac, ug ni Jacob nagpadala kanako nganhi kaninyo.’ Mao kini ang akong ngalan hangtud sa kahangtoran. Kini ang ingalan kanako sa umaabot nga mga kaliwatan. (Exo.3:13-15)

    Busa, ang ngalan sa Dios nga Amahan mao ang Ako mao Ako. Sa Hebreo nga pagkasulat upat lang kini ka letra nga mao ang Y H W H.

    Sanglit sa karaang-panahon sa Hebreo wala mahilakip sa ilang alpabeto ang vowels (pananglit: a,e,i,u,o) ug puro lamang consonant, dili gayud piho ang paglitok sa ngalan sa Dios, apan adunay mga akta o records ning  ngalan sa Griego, diin naay nahisukip nga mga vowel. Kining mga akta nagpaila lamang diin sa susamang pagkahubit pagalitokon gayod nga “Yahweh”, nga nagpasabot “ siya maoy hinungdan” o “siya nagbuhat”.

    Dul-an sa wala pa ang unang siglo A.D., nahimong naandan sa mga Hudiyo nga maglikay sa paglitok sa balaang ngalan sa kahadlok nga masinayop nila kini paggamit nga makasupak sa ikaduhang sugo nga nagkanayon “Ayaw pasipad-i ang akong ngalan kay ako, ang Ginoo nga inyong Dios, mosilot gayod kang bisan kinsa nga magpasipala sa akong ngalan.” (Deu.5:11.)

    Inagbasa nila sa Kasulatan sa makusog nga tingog unya makasugat sa balaang ngalan, ila kining pulihan sa samang Hebreo nga pulong, “Adonai” (nga nagpasabot “Ginoo” o “akong Ginoo”, ingon nga ilis, ug sundan gani kini sa susamang pulong, dili kini nila sublion paglitok, litukon nila ang pulong “Elohim”(nga nagpasabot “Dios”).

    Inagbasa nila sa manuskrito ang YHWH mahimo nang Ginoong Dios.

    JEHOVAH
    Apan ang mga Saksi ni Jehova muingon, “Jehovah” ang tinuod nga ngalan sa Dios.

    Sa pagkatinuod sa pagkatinuod, ang pulong Jehovah wala mahilakip sa orihinal nga Biblia.

    Ang pulong “Jehovah” nagsugod sa panahon sa mga Tunga-tunga nga mga Katuigan (Middle Ages) diin ang mga consonants nga gipadayag nga ngalan sa Dios, YHWH, ug ang vowels gikan sa pulong Adonai gitapo ug miresulta sa bag-ong inimbento nga “Jehovah.”

















    Atong nahisgutan ganina pa lamang nga ang pulong YHWH usa ka pulong Hinebreohanon.

    Pagdas-og sa panahon gihubad kini ngadto sa Griegong pinulongan, gikan sa Griego gihubad ngadto sa Latin, unya gikan sa Latin ngadto sa German, unya German ngadto sa Inglis.

    Gumikan niining mga paghubad ang “Y” gihubad ngadto sa “J” ug ang “W” ngadto sa “V”. Kung makasugat kag German nga tawo masinati nimo giunsa niya paglitok ang “Y” ug “W” ug ang “J” ug “V”.

    Sama pananglit sa pulong ininglis nga Year.

    Kung hubaron kana sa pinulongang German; Jahr.

    Ang Jahr dili litukon sama sa ininglis nga Jar (garapon) kundili Yar.

    Sa ato pa, kung musulat ang mga German  sa Jehovah, dili kana litokon sama sa imong gituohan, kundili Yehovah.

    Dugang pa, ang pulong Volkswagen kung imong basahon dili sama sa imong gituohan nga Bokswagin. 

    Ang “V” nga letra litokon siya ingon nga “F” sa Inglis, ug ang “W” nga letra litokon nga “V” sa Inglis, ug muresulta sa paglitok “Folksvagen.” Usa ka hiniusa nga pulong gikan sa “Folk” ug “Wagon”, buot pasabot, “people’s car” kon sakyanan sa katawhan. 

    Tungod niini, ang pulong Jehovah litokon nga Yehofah.

    Nasinati nato nga murag nahilayo na kita sa ngalan sa Dios sa dihang atong giusisa ang pulong Jehovah, 

    kay sa pagkatinuod sa pagkatinuod lang, layo ra kaayo ang pulong Jehovah nga ikapadangat sa ngalan sa Dios Amahan. Ang pulong Jehovah maoy gikuhaag sukaranan sa inglis nga Biblia nga gitawag ug King James translation, subo palandungon kay ang paglitok sayop man.

    ALLAH
    Ang pulong “Allah” gikan sa hiniusang Arabic nga pulong “al” ug “ilah”. 

    Ang hubad sa Al mao ang “Ang”, 
    ug ang “ilah” kung hubaron “Dios”, 
    ug sumadahon “Ang Dios.” 

    Sa ato pa diay, sa 
    Hebreo-Elohim
    Aramaico-Ilah,
    Greek Theos,
    Inglis-God,
    Bisaya-Dios.

    Dayag kaayo nga ang pulong Allah hubad lang sa mga pinulongan ug dili gayod ngalan. 
    Maoy hinungdan nganong dili nila ipahubad ang pulong Allah.

    Muingon ang Muslim; “The real name of God is Allah.” Sakto o sayop? Atong bisay-on. “Ang tinuod nga ngalan sa Dios kay Ang Dios." Sa ato pa ang pulong Allah dili ngalan. Igo ra gibalik ang paglitok sa pulong Dios, unya ang Dios dili usa ka ngalan, kundili usa ka titulo. Paglitok pa nimo sa pulong Allah, wa gihapon nimo kahatagi ug ngalan ang Dios, kundili imo rang gibalik paglitok. Ang ngalan sa Dios Dios.

    Demodo, ang ngalan sa Dios dili Jehovah, dili Allah, kundili Yahweh!

    more
  • Dios: Usa o Daghan Atong napamatud-an sa tema nga Dios: Naa o Wala nga dili gayod malalis nga naay Dios.

    Apan ang pangutana, pila man kabuok Dios, usa? o daghan.

    Ang mga Ehiptohanon dunay daghan nga mga dios.



















    Labi pang daghan ang mga dios sa mga Griego

    Ang ubang kanasuran nagasimba ug daghang mga dios. Kung daghan ang Dios… iabot kita sa pangutana kung dis-a gikan kining mga diosa. Ang ilang pagkadaghan maoy sukaranan sa usa ka pangutana kung diin kini gikan.

    Kay makapangutana pa man ta sa ilang kagikan, demodo dili sila ang Dios kung sila mga dios nga dunay gigikanan. Apan ang Dios walay gigikanan. Nagkinahanglan kita sa usa ka Magbubuhat nga wala buhata, Dios nga walay nag-una. Ang tanan mupahiuli ra gihapon sa Usa nga maoy sinugdanan sa tibuok kalikupan.

    Entonses, ang Dios usa.

    Libot nianang mga nasod nga nagsimbag daghang dios, sa tunga niana mao ang mga Israelitang nagtuo ug usa lamang ka Dios.

    Usa ka Dios
    1. (Deuteronomy 6:4)--"Hinumdomi, katawhan sa Israel: Ang Ginoo—ug ang Ginoo nga atong Dios usa lamang."

    2. (Isaiah 43:10)--". . . Katawhan sa Israel, kamo mao ang akong mga saksi ug mga alagad nga akong gipili, aron makaila kamo ug mutuo kanako ug makasabot nga ako ray Dios. Walay Dios nga una kanako o may lain pa sunod kanako."

    3. (Isaiah 44:6)--". . . gawas kanako wala nay laing Dios."
    4. (Isaiah 44:8)--". . . walay laing Dios gawas kanako ug walay laing dakong Bato gawas kanako."

    Apan sa laing bahin ang Kasulatan naghisgot ug kapin sa usa nga Dios.
    1. (Genesis 1:26)--"Unya miingon na usab ang Dios, “Buhaton nato ang tawo sama sa atong dagway.'"

    2. (Genesis 3:22)--"Unya miingon ang Ginoong Dios, “Karon ang tawo nahisama na kanato ug nahibalo na siya unsay maayo ug unsay daotan.“

    3. (Genesis 11:7)--"Busa manganaog kita ug libogon ta ang ilang pinulongan aron dili sila magkasinabtanay."

    4. (1 John 5:7-8)--"Adunay tulo ka saksi: ang Espiritu, ang tubig, ug ang dugo ug nagkauyon kining tulo."

    Sumpaki ba ang Biblia?

    Dili!

    Ayaw’g kahibulong kung nganong niingon ang Dios “Buhaton nato…, Manganaog kita…, ug uban pa.

    Ang Santisima Trinidad muhatag nianag husay.

    more
  • Dios: Naa o Wala
    Ang Dios Usa ka Misteryo

    Ang Dios usa ka misteryo nga dili gayod sa kinatibuk-an matugkad sa atong
    huna-huna. Kung wala kita mahibalo sa kinatibuk-ang pagkatawo sa tawo, (sa atong 
    ginikanan o bisan gani sa atong igsuon,) unsa pa kaha ang Dios sa iyang pagka-Dios.

    Si Sopar nangutana kang Job, "Makatukib ka ba sa mga misteryo ug sa pagkagamhanan sa Dios?" (Job 11:7)

    Hinuon, aduna kitay nahibaloan mahitungod o kabahin sa Dios apan dili sa kinatibuk-an
    kundi mga tinipik lamang. Bisan aduna kitay tinipik nga kahibalo sa Dios, ang Dios
    nagpabilin nga usa ka dili matukib nga gumunhap o misteryo.

    Buot ipasabot nga adunay mga tinago nga butang kalabot sa Dios apan adunay say mga butang nga gipadayag dinhi kanato may labot Kaniya Deu. 29:29.

    Ang mga Theologians nagtuo nga ang Dios
    Omniscient- Manggialamon sa nga tanan
    Omnipotence-Makagagahom sa tanan
    Omnipresence-Anaa sa tanang dapit
    Omnibenevolence-Maayo sa nga tanan

    Apan giunsa nato sa pagseguro nga aduna gayoy Dios?

    Basin baya unya ug nahisama lang kini sa kabayong pak-an nga naglungtad ingon nga konsepto lamang sa huna-huna ug wala maglungtad sa tinuod niyang paglungtad.

    Ang pangutana sa ibabaw nagkinahanglan ug pruweba aron kapamatud-an ang Iyang pagkanaa. Ang pagpruweba wala magkinahanglan sa gamhanang kahimanan diha sa laboratoryo sa pagsud-ong sama sa gamay'ng microscope, o sa pagtan-aw sa halapad nga kawanangan pinaagi sa telescope. Kundili mapamatud-an gayud nga dunay Dios pinaagi sa rason kun husto nga pangatarungan.

    Ang pangatarungan kinahanglang
    1. Husto
    2. Dili binuang
    3. Dili musumpaki sa kamatuoran

    Dunay latin nga pinulongan nga nagkanayon, "Argumentum contra factum non valet" ang pangatarungan nga sukwahi sa kamatuoran dili madawat. 

    Sama ra sa pag-ingon nga walay adlaw, apan samtang nagsulti ko niini hapit maliki ang akong agtang sa kainit sa adlaw ibabaw nako. Dako kining lalis kay makatudlo kita sa adlaw ibabaw kanato. Ang pangatarungan nga malalis dili kamatuoran, ug sanglit nangita kita sa kamatuoran kung duna ba gayoy Dios o wala, kinahanglan nga ang katarungan dili malalis ug madawat sa kinatibuk-an.

    Kung dunay mulalis niini kining tawhana mikupot sa dili hustong katarungan ug sa hinungog kon binuang.

    San Anselmo Obispo sa Canterburry

    Sa Salmo 53:1 nag-ingon "Ang buang naga-ingon sa iyang kasing-kasing, walay Dios."

    Maayong mahibaw-an una sa tanan ang kahulogan sa Dios. Unsa man kining Dios nga gi negar sa buang?

    Si San Anselmo nag-ingon: "Ang Dios mao ang labing hingpit sa nga tanan nga dili naka makahunahuna pa ug labaw pa Kaniya.

    1. Ang butang nga naglungtad sa hunahuna ug sa kalibutan mas labaw pa kaysa butang nga naglungtad lamang sa hunahuna.

    2. Ang kahulugan ug “Dios” mao nga  “wala nay laing mahunahunaan pa labaw Kaniya.”

    3. Ibutang ta nga ang Dios konsepto lamang nga naa lamang sa hunahuna apan wala maglungtad sa kalibutan.

    4. Di na siya mao ang Dios pinasikad sa kahulogan tungod kay makahunahuna pa man ta ug mulabaw pa niana nga katong naa sa hunahuna ug naa pod sa kalibotan 
    [unang premise].

    5. Tungod niana makahunahuna napod ta ug mas labaw pa kaniya, apan dili kini mahimo, tungod kay ang kahulugan sa Dios mao nga “di na ta makahunahuna pa ug laing mulabaw pa Kaniya.

    6. Entonses, anaa gayuy Dios dili lamang sa hunahuna kundili sa kalibutan usab.

    Kung ang lintunganayng pagsabot sa Dios mao ang pagkanaa, ang buang nag sumpaki sa iyang kaugalingong gipamulong kay ang Dios gikaluhaan sa pulong naa. Ang pag-ingon nga walay Dios sukwahi sa hustong pangatarungan.

    Sa unsang paagi mailhan nato nga dunay Dios?

    Santo Thomas de Aquino

    Dunay lima ka paagi sa pag-ila nga naay Dios

    Ang Unang Paagi: Pangatarungan gikan sa Bayhon sa Palibot

    1. Kung atong tan-awon ang atong palibot, atong makita nga ang ubang butang naglihok.

    2. Apan ato kining nakita nga makalihok lamang kini ug palihukon sa usa ka butang nga naglihok.

    3. Ang naglihok lamang maoy makapalihok sa usa ka butang nga wa maglihok.

    4. Dili mahimo nga ang usa ka butang naglihok samtang wala maglihok sa samang takna.
        Kinahanglan gayud ang tigpalihok aron makalihok ang butang nga wa maglihok. 

    5. Busa walay bisan unsa nga makalihok sa iyang kaugalingon.

    6. Ang matag butang nga naglihok, gipalihok lamang sa laing butang nga dunay kapasidad         
        mupalihok.

    7. Ang walay bugto nga kutay sa paglihok dili makalahutay ngadto sa walay kinutubang paglihok.

    8. Tungod niini mahinungdanon ang Unang Tigpalihok, nga walay nagpalihok Kaniya, ug mao kini       ang gituohan sa kadaghanan nga Dios.

    Ang Ikaduhang Paagi: Pangatarungan gikan sa Tigpatungha

    1. Nakita nato ang mga butang sa kalibutan nga makalungtad lamang kini kung naay nagpalungtad 
        niini.

    2. Walay naglungtad sa iya lamang kaugalingong paglungtad. 

    3. Busa walay makapalungtad sa iyang kaugalingon.

    4. Kung wala mulungtad ang nagpalungtad, walay hinglungtad.

    5. Busa, sa mga laray sa naglungtad kung wala pa maglungtad ang una sa laray sa tigpalungtad, wala 
        untay naglungtad.

    6. Ang walay bugto nga kutay sa tigpalungtad dili mulahutay ngadto sa walay kinutuban, kay ug 
        mauhon man galing na, wala untay naglungtad karon.

    7. Entonses, gikinahanglang aduna gayuy Unang Tigpatungha nga walay nagpatungha, ug mao kana 
        ang gitawag sa kadaghanan nga Dios.

    Ang Ikatulong Paagi: Pangatarungan gikan sa mga Butang nga Mutungha ug unya Mahanaw sa Dayon

    1. Atong makita diha sa kinaiyahan sa mga butang nga mahimo rag naa mahimo ra sab ug wa, nga 
        mutungha ug unya mahanaw ra usab.

    2. Himatikdi nga ang matag butang temporal lamang ang paglungtad, ug padulong sa pagkahanaw.

    3. Alang sa matag temporal nga butang, dinhay usa ka takna niaana nga wala kini maglungtad.

    4. Busa imposible kaayo nga kining mga butanga kanunayng maglungtad.

    5. Busa diha diay usa ka takna nga wala pay mga butang nga naglungtad.

    6. Busa niaadtong taknaa, wala untay makapasiugda sa pagpatungha sa mga temporal nga mga butang.

    7. Kun walay nagpasiugda pagpatungha niadtong taknaa, wala untay mga butang nagtungha karon sa atong palibot.

    8. Husto man ang pag-ingon nga ang mga butang, mitungha gikan ra usab sa butang ulahi kaniya nga maoy nagpahinungdan sa iyang pagtungha.

    Apan ang ulahi sa tigpatungha nga butang, kinsa man? Musubay kita sa walay bugto nga kutay hangtud nga muabot kita sa kinutuban sa tigpatungha nga temporal nga butang. Apan diin man usab kana gikan?

    9. Dili mahimo nga ang labing unang temporal nga butang nagagikan ra usab sa usa ka temporal kay mahagit ra gihapon kita sa pangutana nga diin kini gikan?

    10. Entonses, dili malalis nga anaa diay naglungtad sa iyang kaugalingong paglungtad ug wala palungtara sa bisan unsa, hinuon maoy nakaangin sa pagpalungtad sa tanang temporal nga mga butang. Kini maoy giila sa tanan nga Dios.

    Ang Ikaupat nga Paagi: Pangatarungan gikan sa di Malalis nga Ang-ang sa mga Binuhat

    1. Adunay usa ka paghatag ug ang-ang nga makaplagan sa mga butang: 
    Adunay gwapa, pinakagwapa, kinagwapahan
    Adunay init, pinakainit, kinainitan

    2. Adunay maayo, kinamaayohan, pinakamaayo. 
    Dayag nalang kaayo nga ang pinakamaayo maoy hinungdan nganong dunay maayo.

    3. Busa dili malalis nga kining tanang maayo adunay sukaranan pinasikad sa hingpit nga kaayo ug walay kinutubang pagkamaayo ug kini ang gitawag nato nga Dios.

    Ang Ikalima nga Paagi: Pangatarungan gikan sa Desinyo

    1. Atong nakita nga ang tanang butang nag-ugmad nga dunay tumong ngadto sa tunhay niyang kahimuslanan.

    2. Kasagaran sa mga butang kulang sa kahibalo.

    3. Apan sama sa usa ka uhas nga miabot sa iyang rumbo tungod kay gitumong kini sa usa ka magpapana.

    4. Masabot nga unsa gani ang kulang sa kahibalo makakab-ot sa mga tumong pinaagi sa pagpuntarya sa usa ka butang nga may salabutan.

    5. Entonses, aduna gayuy labing manggialamon diin ang tanang butang gipatumong ngadto sa ilang kaugalingong sangputanan. Ug mao kini ang gituohan sa kadaghanan nga Dios.

    Sa sinugarol pa pildi ang walay Dios sa dunay Dios. Ngano man?

    Blaize Paschal

    May duha ka tawo. Ang usa naay pagtuo, ug ang usa walay pagtuo.

    Kung nagtuo ka nga naay Dios apan inagkamatay nimo wala diay Dios. 
    Ang mahitabo mao nga dili ka malangit, dili ka usab maimpermahitabo no.

    Kung wala kay pagtuo nga naay Dios unya inagkamatay nimo wala gayuy Dios. 
    Ang mahitabo mao nga dili ka malangit, dili ka usab maimperno.

    Niining paagiha tabla ang naay pagtuo ug walay pagtuo.

    Kung nagtuo ka nga naay Dios unya inagkamatay nimo naa gayuy Dios. 
    Malangit gyud ka, ug dili ka maimperno.

    Kung wala kay pagtuo nga naay Dios unya inagkamatay nimo naa diay Dios. 
    Dili gyud ka malangit ug seguradong maimperno gyud ka. 
















    Karon mangutana ko. Asa man ka mupusta? 
    Ari sa daog o pildi.
    Ani nato makita ug asa nimo itugyan ang imong kinabuhi.

    Agda sa hustong pangatarungan dili gayod malalis nga naay Dios.

    more
First Tab Title=First tab sample text. |-|Second Tab Title=Second tab content goes here. |-|Third Tab Title=Third tab content goes here.
Chatbox
Feature Video
Daily Gospel
Iglesia ni Manalo http://catholicdefender2000.blogspot.com/2010/11/did-felix-manalo-raped-rosita-trillanes.html http://pinoycourier.blogspot.com/2011/02/iglesia-ni-cristo-history-news-and.html http://www.amazon.com/Apologetics-Catholic-Doctrine-Cardinal-Sheehan/dp/1905574452 http://thecatholicfaith.info/ http://www.pjpiisoe.org/Resources_Pamphlets.html http://peterkreeft.com/featured-writing.htm http://peterkreeft.com/featured-writing_more.htm http://www.bookdepository.com/ http://thecatholicfaith.info/resources/the-catholic-faith/ https://www.facebook.com/groups/1486918718203534/1670095559885848/?notif_t=group_activity

Pasiuna sa Katin-awan II

Si San Judas Tadeo miingon, "Kinahanglan nga inyong hinumdman ang gisulti sa mga apostoles ug sa atong Ginoong Jesucristo, sa ulahing panahon may moanhi nga mga mayubiton...mao kini sila ang nagahimog mga pagkabahinbahin..." (Judas 1:18-19)

Dili gayud maoy kabubut-on sa Dios ang pagkabahin-bahin. Si Jesus namulong niini, "Ut sint consummati in unum," aron sila mahingpit nga usa (Juan 17:23).

Ang makapahimo natong usa mao ang kamatuoran. Mao nga gipadayon natoang libro nga KATIN-AWAN II, tungod sa atong mga igsoong mga kabos sa kabaryohan kinsa mao ang kanunay'ng biktima sa mga lansis ug mga bakak nga pagtuo.

Maoy kalipay sa Dios nga kita anaa sa Iyang kamatuoran ug dili mahisalaag. Matud pa ni San Juan, "Wala na akoy kalipaw labaw pa niini, nga mao ang pagkadungog nga ang akong mga anaknagsubay sa kamatuoran." (3Juan 4)

Si Santo Tomas de Aquino nag-ingon, "Kini mao ang labing dako, ug dili na hitupngan nga apostolado sa santa Iglesia, ang pagpanudlo sa kamatuoran." Kinahanglan gayud nga molihok kita isip bahin sa lawas ni Cristo aron sa pagsumpo sa mga bakak nga panudlo. Kay matuod gayod kining pahayag ni San Juan, " Kay daghan ang mga mini nga mga propeta nga manungha sa kalibotan" (1 Juan 4:1).

Sanglit kasagaran sa mga ikahinagbo nato mao man ang mga sukna sa pagtuo, mao nga kining maong basahon gipaagi sa pangutana ug tubag. Takdo sa gipaamgo ni San Pedro, "Kinahanglan nga andam kamo kanunay sa pagtubag kang bisan kinsa nga mangutana sa hinungdan sa paglaom nga anaa kaninyo, hinuon buhata ninyokini uban sa kaaghop ug kataha." (1 Pedro 3:15)

Gihalad ko kini ngadto sa ESPIRITO SA KAMATUORAN ug kaninyo kansang mga kinabuhi inyong gikatugyan aron mamantala ang Maayong Balita sa kaluwasan ngadto sa giuhaw sa tubig sa kinabuhi.

Bro. Socrates C. Fernandez
CFD

Alang sa mgaa Nagduhaduha

Nawala ang file

Alang sa mga dili-Katoliko

Dunay tulo ka matang ang inyong mga ataki batok sa Katoliko; kini mao ang pagsaway, pagsupak, ug pasangil. Ang pagsaway makatabang man kana kung kini nahasubay sa hustong paagi. Nahasubay kini sa hustong paagi ang pagsaway kung kini nagagikan sa kamatuoran. Basin baya ug ang kamatuoran na hinuon ang inyong gisaway?

Ang tanan nimong pagsaway gitubag man. Ang tanan nimong pagsupak gitubag dinhi.